கடவுளிடம் கோரிக்கை

கதை கதையாம் காரணமாம்
காரணத்தில் தோரணமாம்
தோரணத்தில் கூறனுமாம்
கூறியது யாரிடமாம்
கடவுளிடம் சேர்ந்திடுமா

போலி பன்னிகுட்டி

மூளையில்லாத பெண்ணொருத்தி

மூளையில்லாத பெண்ணொருத்தி
மூலையில் உட்கார்ந்து யோசித்தாளாம்
அவள் யோசித்த யோசனையே
மூலையில் இருக்கிறது என்று
அவள் அப்போது தான் புரிந்து கொண்டாளாம்
அவள் மண்டையின் கதவு
அப்போது தான் திறந்தது

என் மனதில் சிறந்த நாட்கள்

நான் பள்ளி செல்கையில் பேனா நோட்டு புத்தகம்
பெற்றோர் வாங்கிக் கொடுத்தது சிறந்த நாட்கள்
நண்பர்களிடம் காண்பித்து மகிழ்ந்தது சிறந்த நாட்கள்
ஊருக்கு செல்லும் போது ஜன்னலருகில் அமர்ந்தது
மறக்க முடியாத சிறந்த நாட்கள்
என் முறைப் பெண்ணை பார்த்து சிரித்து ஒதுங்கி மயங்கியது
நினைவில் நீங்காத சிறந்த நாட்கள்
இனி என் மனதில் சிறந்த நாட்கள்
முடிவெடுக்க முடியாத குழம்பி தவிக்கும் நாட்களே
சிறந்த நாட்களா இல்லையா என்று தேடும் நாட்களாக உள்ளது

கவிஞ்சர் போலி பன்னிக்குட்டி

பூ பூக்கும் புன்னகையே

பூ பூக்கும் புன்னகையே
பூமியிலே பிறந்தவளே
உன்னிடத்தில் உள்ளதென்ன
அந்த பிரம்மனுக்கும் தெரியவில்லை
தெரிந்திருந்தால்
அப்பொழுதே களவு செய்து
வைத்து விட்டு
கடவுளிடம் பொய்யுரைத்திருப்பான்

கவிஞ்சர் போலி பன்னிக்குட்டி

நாணயத்தை இழந்தவன்

நாணயத்தை இழந்தவன் உலகத்தின் கண்களுக்கு
செத்தவனாகவே கருதப்படுகிறான்
வாழும் வாழ்க்கையில்
நேர்மை எது
நாணயம் எது
லட்சியம் எது
நிதானம் எது
என்பது அவன் மனதை
அறிந்தாலே புரிந்து விடும்
பார்க்கும் பார்வையில் நேர்மை
நினைக்கும் நினைப்பில் துய்மை
வாழும் வாழ்வில் எளிமை
செய்யும் செயலில் இனிமை
என்பதை இழந்தவன்
நாணயத்தை இழந்தவன் உலகத்தின் கண்களுக்கு
செத்தவனாகவே கருதப்படுகிறான்

போலி பன்னிக்குட்டி

ஒளிகாட்டும் சூரியனே

பிறந்தாய் பூமியிலே வளர்ந்தாய் சூழலிலே
சுழல்வாய் வாழ்க்கையிலே சூழ்நிலையோஉன் காலடியிலே
காண்பாய் காலையிலே கதிரவனின் கனல் கூடக்கூட
அதன் குமுறலின் கூடலிலே

எழுவாய் கதிரவனின் வேகத்திலே
உனை சுற்றி இருப்பவர்களோ உன் சுழற்சி வேகத்திலே
விழுவார் பார்க்கும் பார்வையிலே
நீ பறப்பாய் வேலையிலே

இருப்பாய் நேர்மையிலே நடப்பாய் தூய்மையிலே
துணிவாய் நடப்பாய் உன் பாதையிலே
பார்ப்போர்கள் மனம் பரபரக்கும் சூழலிலே
உனை பெற்றவர்கள் தவம் கிடந்தார்களா
என உலகமே வியக்கையிலே

பொழிந்தது வானம் விளைந்தது பூமி என்பதன்
பொருளுக்கேற்ப தூய்மையான
மனம் கொண்ட தாய் தந்தையர்களுக்கு
ஒளி காட்டும் சூரியனே நீ.
இங்கு நீ என்பதே நான்

போலி பன்னிக்குட்டி

சரக்கு இருக்கு

சரக்கு சரக்கு இருக்கு இருக்கு
முறுக்கு முறுக்கு இருக்கு நொறுக்கு
எனக்கு எனக்கு என தவிக்க தவிக்க
மனதில் இருக்கு

மணக்க மணக்க மனதில் இருக்கு
மகிழ மகிழ நினைவில் இருக்கு
ஆரூர் மூனா முனக முனக
எழுத ஒரு கவிதை இருக்கு

முழுக்க முழுக்க மூனாவே நீ
முழிக்க முழிக்க நானாவே
திரும்பிப் பார்த்தால் வெறும் கானாவே
காதுக்கு இது வேணாமே
இதை கவிதை என்றே கூறுவேன் நானாவே

இதில் ஆரூர் மூனாவே
முக்கிய புள்ளி தானாவே
இருக்கு இருக்கு சரக்கு சரக்கு
நொறுக்க இருக்கு முறுக்கு முறுக்கு
சரக்கடிக்கா மூனாவே மணியாச்சி போலாமே

போலி பன்னிக்குட்டி

பருக பருக நினைவுகள் சிறகடிக்க

சிறுக சிறுக பருக பருக 

பரவசம் பெருக பெருக 

உன் நினைவு ஆனந்தத்தில் பறக்க பறக்க 

பல நினைவுகளை நினைக்க நினைக்க

கூற நினைக்குதே மனம் உரக்க உரக்க

இதை பறிமாறிக் கொள்ளனும் சிரிக்க சிரிக்க

போலி பன்னிக்குட்டி

ரசங்களில் சிறந்தது

மனிதனின் மனதில் ஓடுவதோ
மிக இனிதான மகிழ்ச்சிரசம்
அதை நினைக்கையிலே
உள்ளுக்குள்ளே பரவசம்

அதை கெடுப்பதும் வளர்ப்பதும்
மனைவியின் மனரசம்
அவளுக்காக நான் நினைப்பதோ
ஒரு கோடி நினைரசம்

அறியாத மனைவியை நினைத்தாலே
உள்ளுக்குள்ளே பதைபதைப்புரசம்
அதை எப்படி புரியவைப்பது என்று
புரியாத குழப்பரசம்

ரசத்திலே சிறந்தது என்னவென்று
கேட்டால் நீ என்ன கூறுவாய்
நானறியேன் ஆனால் நான் கூறுவேன்
சிறந்த பழங்களின் தொகுத்த
பழரசம் தானென்று

என் மனைவியோ கூறுவாள்
வீணாப் போன பழரசமே நான் தான் என்று
என் வலியை நான் யாரிடம் கூறுவேன்
பராபரமே

குழந்தைக்கு இனிப்பு

மனதில் மகிழ்ச்சி நிறைந்த ஒரு துயரம்
அதை செயலில் காட்டுவதற்கு
ஆசை நிறைய உண்டு
ஆனால் பையில் இருக்கும் பணமோ
பற்றாக்குறை
இது தான் என் வாழ்க்கையின்
வற்றாக்குறை
அதை அறிந்து குழந்தை கேட்டது
அப்பா பல்லி மிட்டாய்

-----------------------------

வெந்த வானம்
வெள்ளி நிலா
வெள்ளைப்பால்
வெண்மையாய் ஆறு
வெளிச்சமாய் நீ
வெறுமையாய் நான்

-----------------------------

பாவை போல பார்த்தாயே
பார்வையாலே பூத்தாயே
பூக்கள் கூட பார்க்கச் சொல்லி கேட்டதே
நானும் கூட சொல்லச் சொல்லி கேட்பேனே

நானாய் உன்னை பார்த்தேனே
நீயா சொல்லி கேட்டேனே
பார்வையாலே உன்னை காதலித்தேன்
என்றும் உன்னை அன்பிலே
நான் வாழ வைப்பேனே
உன் வாய் அசைவை

பார்த்த போது நிஜம் கண்டேன்
மயங்கினேன் மகிழ்கிறேன் மானே
என் வாழ்வில் என்றும் தேனே
அது உன் சம்மதத்தில் தானே

போலி பன்னிக்குட்டி

தங்கையின் வலி அண்ணனின் மனதில்

தங்கையும் நானும் மழலையில் விளையாடிய
மாமரத்துக் கீழே மாம்பழத்தின் மணமும்
என் தங்கையின் விளையாட்டு குணமும்
என் மனதில் என்றும் மாறாத மணம்

மங்கையாகிய என் தங்கை பற்றிய என் மனதின் ஆசை
அவள் விரும்பவதை மறுக்காமல் தர ஆசை
திருமணம் என்ற காலம் வந்ததும்
அவள் மனதிற்கு ஏற்ப முடிவு செய்ய என் ஆசை
ஆனால் தங்கையின் இறுதி ஆசை அண்ணனின் முடிவே

தாய்தந்தையால் தீர்வு செய்வதே அண்ணனின் ஆசை
மணமகனை பெரியவர்களாய் தேர்வு செய்ததும் தங்கை
அண்ணா உன் முடிவு தான் எனக்கு என்றது அவள் வாஞ்சை

அன்று நான் கூறிய வார்த்தையை மகிழ்ச்சியுடன்
ஏற்றுக் கொண்ட என் தங்கை
அவள் ஆசையை தவிர்த்து அண்ணனுக்காக
ஏற்றுக் கொண்ட என் தங்கை

திருமணம் முடிந்து ஒரு வருடத்திற்குள்
இரண்டு மாத குழந்தையுடன் தங்கையை
விதவை கோலத்தில் கண்ட அண்ணனின் மனது
தங்கை குழந்தையுடன் தவிக்கும் தவிப்பையும்
இனி என் வாழ்வில் ஏது ஒளி என் குழந்தைக்கு ஏது வழி
என்ற நிலையில் விடை தெரியாமல் தவிக்கும் அண்ணனின் வலி

போலி பன்னிக்குட்டி

பள்ளிக்கூடம்

பள்ளிக்கூடம் என்பது
என் வாழ்வின் வரலாற்றில் ஆயுள்கூடம்
ஆடல்களும் பாடல்களும் நிரம்பிய நினைவுக்கூடம்
உடன் பயிலும் நண்பர்களுடன்
நேற்று தொலைக்காட்சியில் கண்டதை
உரையாடும் கூடலில் ஒரு ஆனந்த கூடல்

ஆசிரியரை கண்டதும் ஓர் அதிர்வுக்கூடல்
பாடங்களை படிக்கையிலே
சத்துணவு சமையலின் மணக்கும்
மணத்தின் மீது ஓர் ஆர்வக்கூடல்

உணவு உண்ண செல்லும் போது நண்பர்களுடன்
நீயா நானா என்ற ஓர் ஆர்வக்கூடல்
வரிசையில் உட்கார்ந்து உண்ணச்செல்லும் போது
ஆசிரியரின் கூறும் வாழ்த்துப்பாடல்
உண்டு முடித்த இடைவேளையில்
மகிழ்ச்சி பொங்கும் விளையாட்டுக்கூடல்

உணவு இடைவேளைக்கு பின்
பள்ளியறைக்கு செல்லும் போது
மாலைநேரத்தை எதிர்பார்க்கும் மகிழ்ச்சிக்கூடல்
மாணவ நண்பர்களுக்குள் ஊமை விளையாட்டுக்கூடல்

ஆசிரியர் தேடல்கூடல் முடிவதற்கு முன்பாவே
பள்ளியின் மாலை மணி ஓசை கேட்டதும்
நண்பர்களுக்குள் மகிழ்ச்சி ஒலியுடன்
நீயா நானா என போட்டியிட்டு ஓடி
முதலில் வீட்டுக்கு செல்வது நானே

கவிஞ்சர் போலி பன்னிக்குட்டி

என் உயிர் தாயே

தாயே

என்னை கருவில் சுமந்து ஈன்றாய் நீயே
குளிரிலும் பனியிலும் என் உடல்நலத்தை காத்தாய் நீயே
உணவையும் உறக்கத்தையும் கனிவுடன் தந்தாய் நீயே
தீஞ்சொல் பேசும் போது அன்பில் அறைந்தாய் நீயே

பள்ளிக்கு செல்ல மறுத்து அடம் பிடித்த என்னை
பலமுறை அடித்து இழுத்துச் சென்றாய் நீயே
சரியாக கல்லாத என்னை பயிற்றுவித்தாய் நீயே

பணிக்கு செல்லாமல் என் வழியில் நான் செல்ல
நெறிப்படுத்தி நேர்வழியைக் காட்டினாய் நீயே
எந்த நேரத்திலும் எந்த வேலையிலும்
என்னையே நினைத்தாய் நீயே

எனது வெற்றிக்கு படிக்கட்டாய் மாறினாய் நீயே
உனக்கு கைமாறு செய்வதற்கு நான்
எத்தனை கோடி எடுக்க வேண்டும் தாயே

தாயின் அடிமை
கவிஞ்சர் போலி பன்னிக்குட்டி

பள்ளிக்கூடம் செல்லும் பெண்ணே

பள்ளிக்கூடம் செல்லும் பெண்ணே
கொஞ்சம் திரும்பி பாரடி கண்ணே
நீ பாராமல் பார்த்ததும் ஏங்குதே மனமே
உனை தேடுதே தினமே
தொடருதே உன் நினைவே

தோன்றுதே கனவே
கனவில் தோன்றும் உன் முகமே
என் நிலையை மறக்கடிக்கிதே தினமே
நீ நடக்கும் போது வரும் மணமே

உன் பின்னே நான் வரும் அன்றே
என் பின்னே என்னவென்று தெரியவில்லை கண்ணே
உறங்க நினைக்கிறேன் பெண்ணே
என் உணவை மறக்கிறேன் தினமே

நீ நடக்கையில் என் மனதுக்கு நீ மானே
என்னை கடக்கையில் நான் உன் வேணே
என்று ஏன் நினைக்கிறாய் கொம்புத்தேனே
நீ சரியாய் கூறடி பெண்ணே

உன் குரலுக்காக ஏங்குகிறேன் கண்ணே
அதற்காக வாழ்கிறேன் பெண்ணே
என் வாழ்வும் தாழ்வும் நீயடி கண்ணே
உனக்காக வாழ்கிறேன் புரிந்து கொள்ளடி தேவதையே

கவிஞ்சர் போலி பன்னிக்குட்டி

மழலையின் பசி

பசி பசி பசி 

பார்க்கும் பார்வையில் ஒரு பசி

மழலையில் ஒரு பசி

மாலை வேகத்தில் ஒரு பசி

தகப்பன் வரும் வேளையில் 

அதிமீறல் பசி

தகப்பன் வாங்கி வரும் பண்டத்தின் மீது பசி

தகப்பனுக்கு பல பசி

பொழுது விடிந்தாலும் பசி

பொழுது மறந்தாலும் பசி

பணப்பசி

பணம் கிடைத்தால் மதுப்பசி

தகப்பனுக்கு மதுமணம் அருந்தினால்

குழந்தைகளுக்கு தேடல் பசி

குழந்தைகள் முகம் பார்த்ததுமே 

ஏக்கத்தின் பசி

பசி பசி பசி

தகப்பனின் பசியா

குழந்தையின் பசியா

என்ன இறைவா

இது யார் பசி

கவிஞ்சர் போலி பன்னிக்குட்டி

இரண்டாம் உலகம் - திரை விமர்சனம்

வீட்டில் இருப்பவர்கள்
நினைப்பது ஒரு உலகம்
வெளியில் செல்பவர்கள்
காண்பது ஒரு உலகம்
ஊர்ஊராய் சுற்றி வருபவர்கள்
ரசிப்பது ஒரு உலகம்

செல்வராகவனின் நினைவால் உருண்டு
இருக்கும் இரண்டாம் உலகம்
ஆர்யா களைகட்ட
அனுஷ்கா கல்லாகட்ட
முதலாம் உலகில்
ஆர்யாவை பார்த்த அனுஷ்கா
அவர் சேவையை கண்டு
அழகை கண்டு
தன் மனதால் மயங்கி
காதலில் விழுகிறார்

தவிர்க்க முடியாத சூழலினால்
மறுக்கும் ஆர்யா
மறுத்த சில தினங்களில்
தன்னை மறந்து
காதல் வசப்படுகிறார்
அதை மறுத்த அனுஷ்கா
விதியின் வசத்தால்
வசப்படுகிறார்
விபத்தின் வசத்தால்
இறந்தும் போகிறார்

இரண்டாம் உலகில்
கற்பனை கலந்து வீசுகிறார்
காதலில்லா ஒரு உலகம்
மூர்க்கமான ஒரு நரகம்
அதில் வெட்டியாய் சுற்றும் ஆர்யா
வெட்டிக் கொண்டே சுற்றும் அனுஷ்கா

மோதலில் மட்டுமே கலக்கும் இவர்கள்
காதலிலும் கலப்பது எப்படி
அதை திரையில் பாரு அதிரடி

மனதிற்கு ஒரு புதிய கற்பனை உலகம்
ஆங்கில படங்களுக்கு இணையான ஒளி
மறக்காமல் கண்டுகளி

இசைசாரலில் மூழ்கி முத்தெடுத்த பாடல்கள்
அதை விஞ்சி நிற்கும் பின்னணியிசை
ஆஹா ஓஹோ


கவிஞ்சர் போலி பன்னிக்குட்டி

விடியல் கவிதைகள்

விடியல்

விடிந்தும் விடியாமல்
கண் தெரிந்தும் தெரியாமல்
கரை கடந்தும் காணாமல்
கடக்கும் கண்கள்
காணும் மூன்றாம் கண்ணே
விடியல்
-------------------------------------

மணம் என்னும் மனம்

மணம் என்னும் மயக்கத்தில்
மாட்டி தவிக்கும்
மனித மனம் போல்
மனம் ஏங்கும் தூரல்
குழப்பத்தின் சாரல்
என்ன என்ன என்ன
------------------------------------

மனவலி

என் மனம் என்பது
ஒரு வெறிபிடித்த ஊற்று
அதில் சாக்கடை போல் கலக்கும்
ஒரு ஆதங்கம்
அதை நான்ன்ன்ன்ன்ன்ன்ன்ன்
எங்கு கூற இறைவா இறைவா
--------------------------------------

கணவனின் இன்பவலி

இடை என்னும் உன் இடையில்
இடையில்
மாட்டிக் கொண்டு தவிக்கும்
மடையன் ஆனேனடி

கவிஞ்சர் போலி பன்னிக்குட்டி